تندیس عصمت
( تندیس عصمت )
كيمدي بو زهـراي مـرضيـه پيمبـر دختري
احمدين دُردانـه سي اون بيرامامون مادري
مفخر نسوان عا لـم مرتضانون همسري
بحـر تقـوا و شرف كنز صـداقت گو هـري
عرش و فرشون زينتي مهرو وفا نون زيوري
بـاعث ايجـاد عـا لـم بـرج حقين ا ختري
بو سوزه عشق ايلير كيم اولسا دوز سوز عاشقي
حشريـده زهـرایلـن محشور اولار اوز عاشقي
بوسوزي تكـراری ا علان ايليوب ختـم نبي
پـاره ی جـا نـدور منه زهـراي مرضيه بلي
شا نينه كـوثر ايـدوب نـازل خـداو نـد جلي
نـور انـوارينـدن اولموش تیره دنيا منجّلي
بير ايله بانو هاچان بيرده جهان ايچره گلي
شانينه همسرتاپولمازدي گر اولميدي علي
عصمت نسوان عـالمدورخانيم يوخدور تـايي
عـالـم ايچره حيف اولا رنج ومحن اولدي پایي
دختر مـحبـوبه ی ختـم رسالتدور خـانـيم
جـوهـر عّز و شـرف بحر فضيلتدورخانيم
مظهر جود و سخا تنديس عصمتدورخانيم
عصمت حقدور آد ی نوراني آيتدور خانيم
ما سوي نین شانی دور تـاج شـرافتدور خانيم
احمد مختاريدن خـلقه امـا نتـدور خانيم
ختم مُرسل پا ره جا نين نـه زيبا سسليوب
اللريندن گـه اوپـوب اُم ا بيهـا سسليوب
ترك ايدوب دنياني گوزدن آتدي ختم الُمرسلين
عـالمي ا ئتدي فـرا قيندن عـزادار و غمين
رحلت ايتدي مصطفي اولدي علي خانه نشين
ظلميلن بـاغلانـدي دستان اميرالمومنين
عهد وپيمان سينديروبدور ثا ني شوم ولعين
تيشه وردي ريشه ی اسلامه ُاول تندیس كين
زاده ی پيغمبـره قـصد جسارت ايـتديلر
امته قالموش اما نتـده خيـا نت ايـتديلر
خـا نه زهـرايه بير عـدّه او دم ا هـل جنـون
قلبيلرده كينه لر طغيان ايدوب بي چند و چون
ثاني ناپاكين اوندا گـوزلرين دوتمو شدي خون
نـامسلمان شخص لر اولدي اودم خوار و زبون
پشت درده فاطمه دورمو شدي صورت نيلگون
شرم ايدور بومطلبي يازسون قلم ايتسون فزون
خانه وحـي اولدي جولانگـاه ثا ني جهول
قا لدي ما بين در و ديواريده دُخت رسول
آغلا ديلدن اي گوزوم زهـراي اطهر جان ويرور
شـافع يــوم جـزا خـاتـون محشر جان ويرور
طـاهـره منصوره زهـراي مطهـر جان ويرور
عــرشه پيرايه آدي جـان پيمبر جـان ويرور
بـاغـبان گـلشن و گلـزار حيـدر جان ويرور
دورت گلولوندن دويميان دلخسته مادرجان ويرور
ظلميلن سيندريديـلار پيغمبرون آيينه سين
ميخ در خنجر کیمی ياردي بتولين سينه سين
نوك مسمار اوخ مثالي سينه سين ايتميش يارا
طاقتي الدن گيدوب دوشموش در و ديـوار آرا
محنت و آلامينـه يـوخـدور جهـان ايـچره دوا
چيخميورديلدن سسي نيمـه نفس ايلـور نـوا
گـه ديـور ا لله و اكـبر گـه ديـور يـا مصطفا
فيضّيه سويلورعم اوغلوم هاردادورگئتميش هارا
گُلشن ايچره اولدي پرپر ظلميلن طاها گـلي
بيرايله بحران زما ندا هاردا قا لميشدي علي
نـور عيـن مصطفي بحر فضيلت جان ويرور
كنز عصمت گـو هردرياي عفّت جان ويرور
همّتون آيينه سي تنديس رافت جان ويرور
نـور چشم انبـيـا مـام امـامت جان ويرور
همسر مظلومه ی مظلوم امـت جان ويرور
میخ دردن سينه سی تاپموش جراحت جان ويرور
دست گُلچين زمــا نـه دَردي پيغمبـر گُلـون
غملره توش ايتدي گلشنده اولان دورد بولبولون
دار فـانيدن اوزوب ال همسر حيدر گيدور
نيلي ئـوز پهلـو يــارالي یــاور رهبـر گيدور
مظهر مهر و عُطـوفت عصمتـه مظهر گيدور
زينبـون آرام جـانـي جـان پیغمبر گيـدور
نـور چشم و تكيـه گاه ساقي كـوثـر گيدور
ذكرمولاسين خانيم ديلده ايدوب از بر گيدور
ياندوروبدور سينه سين ظُلميله درد جانگـداز
كيم وار ايتسون تا اونا مظلومه زهرا كشف راز
فضّـه گل امـداده سسلنـدي او بانوي شرف
وئرماقا اود محبط وحيه چکیب کُفر اهلی صف
ضربت پـا سنديروب يانموش قاپوني وا اَ سف
سينه ی زهـرا اولـوبـدور نوك مسماره هدف
دوشدي محسن بير يانا مادر يخيلدي بيرطرف
وئر خبر بلسو نلر ئولـدي همسر شاه نجـف
دورماقا يـوخـدور توانيم بال و پـر بشكسته ايم
طاقتيم الدن گئدوبدور ياره لي جان اوسته ايم
قانلي سينم نيلي ئـوز پيغمبره من دخترم
سقط اولان دُردانمه سينه يـارالي مـادرم
فضّه من اَوّل شهيــد راه مـولا حيدرم
صف شكن حيدراماميمدور اونا من همسرم
دوزدي مولانون يولي بيرآيري يولدان گيتمرم
گر شهيده اولسام عشق يـاريدن ال چكمرم
تا نفس وار منده من حفظ ولايت ايلرم
حکـم قــرآ نـدور ولایتـدن حمایت ايلـرم
فضّه گلدي باخدي زهـرايه دوشوبدي ناليـه
ايستدي مـولاني امــداده بئـلـه گلـدي ديلـه
هارداسان مشگل گشا زهرادوشوبدور مشگله
گُـولمين زهــرا آقـا مُشگل اولا بيرده گُلـه
نـوك خـاريلن يتـوب صدمه گلستانـدا گُله
اولمادي بيركس جهان ايچره اونون قدرين بوله
گل اونـا امــداد ايلـه قلبي دولـي قـانـدور آقا
سينه سي اولموش هدف مسماره بي جاندورآقا
قـالسا بو يرده خانيم ايندي بـلا گويدن گلر
آه مظـلـوميتي عــرش خــدا نـي تيتـردر
سينه سي مسماريدن مجروح قان گوزدن َالر
گول ستا ندا گـول سولا وار باغبانيچون ضرر
گورسه بو احواليني بيلمم خا نيم زينب نيدر
خصم دين بيلموردي زهرا دُخت طاهادي مگر
يازما آخوندي ترحم ايت منيم گـوز ياشيما
فاطمه اولدي شهيـده كول اَلنـدي باشيما